“Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2025–2030-cu illər üçün Dövlət Proqramı”nın Tədbirlər Planının 8.4.13-cü yarımbəndinin icrasını təmin etmək məqsədilə Ədliyyə Nazirliyinin Məhkəmə Ekspertizası Mərkəzində qeyri-hökumət təşkilatlarının rəhbər və nümayəndələri ilə görüş təşkil olunub. Tədbir Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının daimi fəaliyyət göstərən İşçi Qrupunun təşkilatçılığı ilə təşkil olunub.

Görüşdə Məhkəmə Ekspertizası Mərkəzinin nümayəndələri tərəfindən iştirakçılara narkotik vasitələr və psixotrop maddələr üzrə təyin edilən ekspertizaların aparılma qaydaları, bu sahəni tənzimləyən normativ tələblər və ekspertiza proseslərinin mahiyyəti barədə ətraflı məlumat verilib.

Tədbir çərçivəsində qeyri-hökumət təşkilatlarının nümayəndələrini maraqlandıran suallar cavablandırılıb. Həmçinin dövlət qurumları ilə vətəndaş cəmiyyəti institutları arasında əməkdaşlığın gücləndirilməsi, narkomanlığa qarşı mübarizə sahəsində birgə fəaliyyətin səmərəliliyinin artırılması istiqamətində fikir mübadiləsi aparılıb.